«Ауылдық елді мекендердегі тірек мектептердің әлеуетін дамыту» қайырымдылық жобасын іске асыру шеңберінде магниттік мектептердің оқушыларына тиімді сабақтар өткізілді.

2023 жылдың 01 желтоқсанында Аягөз аудандық білім бөлімінің «Қалалық көпбейінді қазақ мектеп-гимназиясы» КММ-да «Ауылдық елді мекендердегі тірек мектептердің әлеуетін дамыту» қайырымдылық жобасын іске асыру шеңберінде магниттік мектептердің оқушыларына тиімді сабақтар өткізілді. Бұл сабақтарға «Ж.Жабаев атындағы ЖББОМ» КММ, «А.Көшкімбаева атындағы ЖББОМ» КММ, «С. Ғаббасов атындағы ЖББОМ» КММ, «Шыңғожа батыр атындағы ЖББОМ» КММ, «Б. Майлин атындағы ЖББОМ» КММ, яғни магниттік мектептердің 9 –сыныптарынан 82, 10-сыныптардан -29, 11-сыныптардан 48, жиыны  159 оқушысы қатысты. Шараның мақсаты: ауыл мектептерінің оқушыларына тірек мектеп мұғалімдерінің жинақталған тәжірибесі негізінде оқудың тиімді жолдарымен таныстыру, таңдау пәндері бойынша қолдау көрсету, білім алушылардың сұраныстарын анықтап, шешімін қарастыру. 9,10–сыныптарда негізгі пәндер қамтылса, 11-сыныптарда бітіру емтиханы мен ҰБТ пәндеріне басымдық берілді. Қоңырау уақыттарында ұлттық ойындар мен интеллектуалды жарыстар ойнатылды.Ұйымдастырылған шара оқушылардың өзара ынтымақтастығының,білім алуға деген құлшыныстарының  одан ары артуына ықпал етті.