«Кітап оқып, көлік ұтқың келе ме?» жобасы.

Абай облысы білім басқармасы Аягөз ауданы білім бөлімі «Қалалық көпбейінді қазақ мектеп-гимназиясы» КММ-де 04.03.24ж күні 8-10 сынып оқушыларының тұрақты кітап оқу дағдысын қалыптастыру мақсатында ұйымдастырылған «Кітап оқып, көлік ұтқың келе ме?» жобасының ақтық кезеңі өтті. 
  11 ұстаз 3 айда 11 шығарманы таңдап, оқушыларға электрондық және түпнұсқада ұсынып, оқытты. Әр апта сайын оқылған шығармалар бойынша жауапты мұғалімдер  20 сұрақтан құралған тест сынамасын алып, рейтинг шығаралып отырды. Жоба барысында оқылған шығармалар: Халед Хоссейни «Батпырауық қуған бала», Джек Лондон «Мартин Иден», Шерхан Мұртаза «Ай мен Айша», Оралхан Бөкей «Қайдасың, қасқа құлыным», Люси Мод Монтгомери «Anne of green Gables», Жандарбек Бұлғақ «Сөз менеджменті», Қуаныш Шонбай «Екінші болма», Китами Масао «Самурай без меча», Төлен Әбдік «Оң қол», Әзілқан Нұршайықов «Махаббат, қызық мол жылдар», Мұхтар Мағауин «Шақан Шері».
 Сайыс барысында оқушылардың бәсекелестік ортасын құру  мақсатында 1-орынға велосипед, 2-орынға 30000теңге, 3-орынға 20000теңге жүлде қоры белгіленді.
Жалпы сайысқа 189 оқушы қатысып, үздік ондық ақтық кезеңге өтті. Ақтық кезеңде оқушылар, өздеріне ұнаған шығарманы жарнамалап, сұрақтарға жауап берді. Нәтижесінде 1-орынды 8 «А» сынып оқушысы Рүстем Раяна иеленіп, велосипед иесі атанды. 2-орынды 8 «Г» сынып оқушысы Тлеуберген Балауса ,  3-орынды 8 «А» сынып оқушысы Сарқытбек Медина  иеленді. Мырзағали Айым, Кемельбекова Аружан, Насипбекова Еркежан, Нұржан Нұртай, Айдынова Айым, Сейфулмуликова Жаннұр, Нұртаева Айзере, Серікбекова Балжан , Төлеутаева Мөлдір,  Нурлан Нурали, Жүрсінова Аяжан,  Халибекова Ақназ  ынталандыру сайлықтарына ие болды.

#Біртұтас_тәрбие_Абай_облысы_Аягөз
 
#АПҚО_Абай_облысы_Аягөз