Қ.Р. Білім және ғылым министрінің бұйрығымен ағымдағы жылдың 26 мамырынан бастап елімізде пандемия кезінде білім беруде анықталған олқылықтардың орнын толтыру мақсатында «Жазғы мектептер» ашылып жатыр.

Көпбейінді қазақ мектеп-гимназиясында да жұмысын жандандыруда. Балаларының «Жазғы мектепте» оқытуына ниет білдірген 101 ата-ананың өтініші қабылданды. 5-10 кластарға арналып  қазақ , орыс және ағылшын тілі, математика, тарих, география, физика, химия мен биология пәндеріне негізделіп жұмыстық оқу жоспары құрылып, бекітілген  сабақ  кестесіне сай сабақтар өтуде. Мұғалімдер барлық ынта ниетпен білім беруде. Ал аз уақыт ішіндегі оқушылардың «Жазғы мектепке» қатысу белсенділігі жоғары.